ჩემი უბის წიგნაკი…

დღეს ვუყურე ამ შესანიშნავ ანიმაციას, სადაც ერთი ხელის მოსმით, მოკლედ და კონკრეტულად აღწერილია მთელი დავიდარაბა ირანული უახლესი ისტორიისა. ქვეყნის პოლიტიკური მდგომარეობა, წესწყობილება და სიბნელე თავის მკვეთრ კვალს ტოვებს ახალგაზრდა ქალის ცხვრებაზე, რომელიც გამოექცა თავის ქვეყანას, თავშესაფარი ვერსად ნახა და უკან დაბრუნებულმაც ვერ დააღწია თავი იმ საშინელ განცდებს, რომლებიც მასში ბავშვობაში განცდილმა უბედურებებმა გამოიწვია. ომი, ჯანყი, რევოლუცია, ბიძის დაღუპვა, ეს ყველაფერი ძალიან პატარამ გადაიტანა და იმდენად თავისებური გახდა, რომ საერთოდ დაკარგა საკუთარი ადგილი ცხოვრებაში. ჩემი აზრით ღირს ყურება ამ ფილმისა, რადგან ძალიან კარგადაა წარმოჩენილი თუ როგორი ბნელი და განუვითარებელი  შეიძლება იყოს სწორედ ის ადამიანი, რომელიც საკუთარ თავს მოწოდების სიმაღლეზე ხედავს და როგორ ისრისებიან მათ ქვეშ ისეთი უბრალო და უდანაშაულო ადამიანები, როგორიც ამ ფილმის მთავარი გმირია